Инновациялық қызмет тәжірибесімен бөлісеміз!

Әдіскерлер Комарова Д.В. және Избасарова А.А. «Мектепке дейінгі ұйымдардағы инновациялық алаңдар» атты облыстық есептік кездесуге қатысты. Кездесу барысында мектепке дейінгі ұйымымызда жүзеге асырылып жатқан «Эколята-дошколята» инновациялық алаңының жұмыс тәжірибесі таныстырылды. Инновациялық алаң жұмысы тәрбиеленушілердің экологиялық мәдениет негіздерін қалыптастыруға, табиғатқа ұқыпты әрі жауапкершілікпен қарауға тәрбиелеуге, қоршаған ортаны танып-білуге деген қызығушылықтарын дамытуға бағытталған. Облыстық кездесуге қатысу атқарылған жұмыстардың нәтижелерін таныстыруға, практикалық тәжірибемен бөлісуге және әріптестердің қызықты идеяларымен танысуға жақсы мүмкіндік берді.